Սեքսոպաթոլոգիայի համալսարանական կլինիկան հիմնադրվել է 2007 թ. «Հերացի» թիվ 1 հիվանդանոցային համալիրում։ 2020 թ. կլինիկայի մի մասը, համալրվելով երիտասարդ բժիշկներով, տեղափոխվել է «Միքայելյան» համալսարանական հիվանդանոց՝ փաստացի դառնալով երկրորդ կլինիկան։

Կլինիկան ԵՊԲՀ սեքսոպաթոլոգիայի ամբիոնի բազան է: Սեքսոպաթոլոգիայի կլինիկան Հայաստանի միակ գիտաբժշկական կենտրոնն է, որի աշխատակիցները, կլինիկական գործունեությանը զուգահեռ, կատարում են գիտական հետազոտություններ` դրանք տպագրելով համապատասխան գիտաբժշկական հանդեսներում:

Կլինիկան համալրված է արտերկրում վերապատրաստված և գիտական աստիճան ունեցող մասնագետներով, որոնք բուժում և վերականգնում են անհատների և ամուսնական զույգերի սեռական առողջությունը:

Կլինիկայում բուժում են՝

Սեռական խանգարումներ՝ պայմանավորված հոգեբանական և ֆիզիոլոգիական գործոններով։
Սեռական խանգարումներ՝ պայմանավորված քրոնիկական բորբոքային հիվանդություններով։
Էրեկցիայի խանգարում /էրեկտիլ դիսֆունկցիա (սեռական թուլություն):
Սերմնաժայթքում խանգարում (վաղաժամ և ուշացած սերմնաժայթքում)։
Տղամարդու անպտղություն:
Տղամարդու անպտղության ժամանակ զուգակցվող սեռական խանգարումներ:
Կանանց սեռական խանգարումներ՝ պայմանավորված տարբեր գործոններով:
Սեռական ցանկության նվազում կամ բացակայություն:
Սեռական գրգռման խանգարում:
Անօրգազմիա:
Վագինիզմ:
Ցավ սեռական հարաբերության ժամանակ:
Ամուսնական զույգի սեռական աններդաշնակություն:
Սեքսուալ նևրոզներ:

Բուժումը իրականացվում է մի քանի ուղղություններով.

Դեղորայքային թերապիա:
Ֆիզիոթերապիա (հարված-ալիքային թերապիա):
Հոգեթերապիա (անհատական և ամուսնական հոգեթերապիա, վարքային հոգեթերապիա, ռացիոնալ հոգեթերապիա, սեքս թերապիա):